Nielsen Restaurant

Hægt er að panta af kvöldseðli Nielsen frá kl 17:30 til 21:00  (húsið opið lengur).

Matarkistan Austurland hefur að geyma ótrúlega fjölbreytta flóru af hágæða hráefni, hvort sem það er fiskur, kjöt, grænmeti, villibráð eða kryddjurtir, í raun allt það sem matreiðslumaður gæti óskað sér. Á Nielsen restaurant leggjum við mikla áherslu á nýtingu svæðisbundinna hráefna og notum t.d. grænmeti og mjólkurvörur af Héraði, fisk frá Austfjörðum og villibráð af hálendi Austurlands. Öllu hráefninu er safnað á þeim tímapunkti þegar það er sem ferskast og bragðmest og er annaðhvort notað ferskt eða geymt samkvæmt aldagömlum (og nýjum) íslenskum aðferðum, t.d. þurrkað, pikklað(sýrt), saltað eða reykt og þannig látið duga langt inn í veturinn og fram á vor.

Réttirnir á seðlinum eru allir í smárétta stærð sem gerir þér og þínum kleift að velja nokkra til að prófa, smakka og deila og upplifa þann bragðheim sem Austurland hefur upp á að bjóða. Við mælum með 2-3 réttum á mann til að metta svanga maga, en svo má alltaf bæta við eftirá líka ef þú/þið viljið smakka meira.

Verði þér að góðu!

Við mælum með tveimur til þremur réttum á mann.